கிரக காரகத்துவங்கள் பகுதியில் சூரியன், சந்திரன், செவ்வாய், புதன், குரு, சுக்கிரன், சனி, இராகு, கேது - ஆகிய கிரகங்களின் காரகத்துவங்கள் அவைகள் தரும் பலன்கள் பற்றிய பாடங்கள்.
இராசி மண்டலத்தில் 12 ராசிகள் உள்ளன. கால புருஷ தத்துவத்தின் படி மேஷமே முதல் ராசியாகவும், அதனையே லக்ன பாவகமாக கருதப்படுகிறது. 12 ராசிகள் - 12 பாவங்களாக செயல்படுகின்றன. அவற்றின் விளக்கங்கள் இனி....
தொழில், அந்தஸ்து , கௌரவம் பற்றி அறிய 10ம் பாவம் பார்க்கப்பட வேண்டும். 10ம் பாவம் சார்ந்த, 10-ல் இருக்கும் கிரகங்கள், பார்க்கும் கிரகங்களால் கிட்டும் பலனறிய
இராகுவும் கேதுவும் உண்மைக் கோள்கள் அல்ல. இவை புகை மண்டலமான, நிலப் பரப்பு அற்ற நிழற்கோள்கள்.
சூரியனுடைய சுற்றுப் பாதையும் சந்திரனுடைய சுற்றுப் பாதையும் இரண்டு இடங்களில் ஒன்றை ஒன்று வெட்டிக் கொள்கின்றன. அந்த இரு வெட்டுப் புள்ளிகளே Nodes இராகு கேதுக்களாகும்.
இந்த இரு புள்ளிகளும் ஒரே இடத்தில் நில்லாமல் நகர்ந்து கொண்டே இருப்பதால் கிரகங்களாக எடுத்துக் கொள்ளப்படுகிறது.
இந்தப் புள்ளிகள் சந்திரப் பாதையில் நகர்வதால் ராகுவை சந்திரனின் ஏறு கணு என்றும், கேதுவை சந்திரனின் இறங்கு கணு என்றும் சொல்லப்படுகிறது.
மற்ற கிரகங்களைப் போலவே, இந்த இரு புள்ளிகளும் பூமிக்கு மிக அருகாமையிலே எதிர் திசையில் சுற்றிவருகின்றன.
பிற கிரக கதிர்கள் பூமியில் விழாதபடி தடுக்கும் தன்மை இந்த இரு புள்ளிகளான ராகு மற்றும் கேது புள்ளிகளுக்கு உள்ளது. எனவே இராகு, கேதுக்களை தடை கிரகங்கள் என்றும் சொல்வார்கள்.
இவற்றில் ராகு பாம்பின் தலை போன்ற தோற்றத்தை தருவாதாகவும், கேது பாம்பின் வால் போன்ற தோற்றத்தை தருவதாகவும் சொல்லப்படுகிறது. இதனால் இராகு, கேது இவ்விரு கிரகங்களை சர்ப்பக் கிரகங்கள் என்றும், இராகு கரும்பாம்பு என்றும், கேதுவை செம்பாம்பு என்றும் அழைக்கிறார்கள்.
சாயா கிரகம், நிழற்கிரகம், வெட்டும் புள்ளிகள் என்றழைக்கப்படும் இராகுவை Ascending Node / North Node என்றும் கேதுவை Descending Node / South Node என்றுக் குறிப்பிடுகிறார்கள்.
இராகுவை போல் கொடுப்பாரும் இல்லை; கெடுப்பாரும் இல்லை என்பர். குப்பையில் கிடந்தவனை நல்ல உயர் நிலைக்கு கொண்டு சென்று பெருமைப்படுத்துபவரும் இவரே. நல்ல உயர் நிலையில் இருந்தவரை தாழ்ந்த நிலைக்கு ஆளாக்குவதும் இவரே.
தந்தை வழி வம்சத்தை இராகுவும், தாய்வழி வம்சத்தை கேதுவும் குறிப்பிடுவதாக சொல்வார்கள்.
இராகு உருவத்தில் பாம்பு உடலும், மனித தலையும் கொண்டவராவதால், மனசாட்சியற்றவர். பாம்பின் விஷமே இவரின் மன ஆளுமைக்கு உட்படுவதால், கொடிய நிலையை தரக்கூடியவராகிறார்.
கூட்டாக விபத்து, கோர மரணங்கள், நிகழ்வதற்கு இராகு செவ்வாயும் சேர்ந்து செய்யும் செயலாகும்.
ராகுவிலிருந்து தொடங்கி, மற்ற ஏழு கிரகங்களும் லக்னமும் உள்ளடங்கி கேதுவில் முடிந்தால் அதனை கால சர்ப்ப தோஷம் என்பர். இவ்விரு பாம்புக்கிடையே அனைத்து கிரகங்களும் அடங்கியே இருக்கும்.
கேதுவில் தொடங்கி ராகுவில் முடிந்தால் கால சர்ப்ப யோகம் என்பர்.
இராகு நல்ல அறிவு, கூர்மை, புத்தி சாதுர்யம் ஞானம் தருபவர். ஜாதகரின் தகுதிக்கேற்ற நிலையில் வாழும் யோகத்தையும் தருவார். காலந்தாழ்ந்தே யோக வாழ்வையும் தருவார்.
இராகு/கேது சூரியனை ஒரு முறை பின்னோக்கி சுற்றிவர எடுத்துக் கொள்ளும் கால அளவு 18 ஆண்டுகள் ஆகும். ஒரு பாகையை கடக்க 18 நாட்களாகின்றன.ஒரு ராசி மண்டலத்தை சுற்றி வர 18 மாதங்கள் எடுத்துக் கொள்கின்றன.ஒரு பாதத்தை கடக்க 2 மாதங்கள் எடுத்துக் கொள்கின்றன.
இராகு கேதுக்கள் வருட கிரகங்கள். அதனால் இவர்களின் கோட்சாரப் பலன் நீண்ட காலத்திற்கு இருக்கும்.
இராகு விற்கு பகை கிரகங்கள் அதிகமாக இருப்பதால், கோட்சாரப் பலனில் தீய பலன்களே அதிகம் நடக்கின்றன. நல்ல பலனை குறைந்த நபர்களே பெறுகிறார்கள்.
இராகு குணமாற்றத்தை தரும். அதனால் பல நல்லவர்கள் கெட்டவர்களாவதும், திருடர்களாவதும், சட்டத்திற்குப் புறம்பான செயல்களை செய்வதும், மது அருந்தி போதை வாழ்க்கை விடமுடியாமல் வாழும் நிலையையும் பெறுகிறார்கள்.
மதமாற்றம், சிறை தண்டனை, நாடு கடத்துதல் போன்ற தண்டனைகளையும் பெற்றுத் தருகின்றன.
எந்த கிரகத்துடன் சேர்ந்தாலும் அந்த கிரகத்தை ஆட்கொண்டு, அந்த கிரகம் தரவேண்டிய தீயபலனையும் சேர்த்து இவரே தந்து விடுகிறார். மேலும், இவர் செல்லும் பாவகத்தின் தீமையையும் சேர்த்து தந்துவிடுகிறார்.
இவர் செல்லும் பாவகத்தில் கிரகம் இல்லை எனில் பாவகத்தின் நன்மை தீமைகளை வழி நடத்துபவரும் இவரே.
இராகு தந்தை வழி தாய்வழி தாத்தாவைக் குறிப்பவர். பெண் ராசியில் நவாம்சத்தில் பெண் வீட்டில் இராகு இருக்கும் போது தாயார் வழி தாத்தாவையும் ஆண்வீட்டில் இருக்கும் ராகு தந்தை வழி தாத்தாவையும் குறிப்பார்.
இராகு தோல் நோய்கள், சொரி, சிரங்கு, தொழு நோய், வலிப்பு ஆகிய நோய்களையும் தருபவர்.
பொந்து உள்ள இடங்கள், குழிகள், படரும் கொடிகள் இருக்குமிடங்கள், மின்னக் கூடிய பொருட்கள், குறிப்பவர் இராகு.
நட்பு விடுகள்: மிதுனம், கன்னி, துலாம், தனுசு மகரம், கும்பம், மீனம்
பித்த நாடி.
இராகு விருச்சிகத்தில் நீச்சமும் ரிஷபத்தில் உச்சமும் பெறுவதாக சொல்லப் படுகிறது.
இராகு – அன்னிய தேசத்தில் முஸ்லீம் நாடுகளைக் குறிக்கும். அன்னிய மொழியில் முஸ்லீம் களின் மொழிகளான அரபி, உருதுவைக் குறிக்கும்.:
அரசிற்கு விரோதமான செயல்களை செய்வ்பவர்களும் இராகுவின் ஆதிக்கத்திற்கு உட்பட்டவர்களே.
இரத்தினங்களில் கோமேதகம்.
தேவையற்ற பொருட்களை போட்டு வைக்கும் இடங்கள் இராகுவின் இடங்களாகும்.
அவமானம், அலட்சியம், ஆயுள் குறைபாடு, கீழ் மட்ட மக்கள் தொடர்பு, கீழ்த்தரமான செய்கை, மற்றும் கீழ்த்தரமானவர்களுடன் தொடர்பிலிருத்தல், குலத்திற்கு விரோதமாக பேசுதல், செயல்படுதல், குலத்தைக் கெடுக்கும் தொழில்களைச் செய்தல், நாத்திகண், நாட்பட்ட நோய் கொண்டவன்,
பிளவை, பிளவை நோய்,
பிளாஸ்டிக் பொருட்கள், கேழ்வரகு, சக்கரம், காப்பிக்கொட்டை, கிழிந்த துணி, குடை, சுவாசம், சூதாட்டம், செப்பிடு வித்தை, சோம்பாறி, துர்க்குணம் கொண்டவள், திறந்த வெளி, திருடர்கள் – இவற்றை குறிப்பவரும் ராகுவே.
இராகு நின்ற ராசிக்கு ஏழாவது ராசியில் கேது இருப்பார்.
கேது வடதுருவ நிழல். ராகு தென் துருவ நிழல்.
சூரிய சந்திர கிரகணங்கள் ஏற்பட இராகு கேதுக்களே காரணம்.
சூரியன் – ராகு, கேதுக்களின் பிடியில் அகப்பட – சூரியகிரகணமும், சந்திரன் – ராகு, கேதுக்களின் பிடியில் அகப்பட – சந்திர கிரகணமும் நிகழ்கின்றன.
கேதுவிற்கு மோட்ச காரகன் என்ற பெயருண்டு.
ஞானத்திற்கு காரணமான இவர் ஆன்மீக வழியில் செல்லுதல், மகான்களின் வழியில் செல்லுதல், அவர்களின் இடங்களை தரிசித்தல், வழிபாடு செய்தல், நீதி நூல்கள், உபனிஷத்துக்களின் வழியில் செல்ல விரும்புதல், ஆகியாற்றை கேது தருகிறார்.
தாய்வழி பாட்டனார் மற்ரும் அவரது வம்சாவழியைப் பற்றி அறியக்கூடிய கிரகம் கேது.
ஞானம், தவம், தியானம், மௌனம், வைராக்கியம், மன வெறுப்பு, சன்னியாசம், ஆன்மீக உணர்வு, விரக்தி, எதிலும் பிடிப்பில்லாமை, மனிதமுகம் இல்லாத தெய்வங்கள், [ அனுமன், வராஹி, வினாயகர்] வாலுள்ள தெய்வங்கள், சித்தர் வழிபாடு குறிப்பவர் கேது.
ஊஞ்சல், மாடிப்படி, பூஜை அறை, மெழுகுவர்த்தி, செயின், தொட்டி, தையல் இயந்திரம், மண் பாண்டங்கள், புகைக் கூண்டு, கயிறு, சாக்கடை, இசைக் கருவியின் நாண்கள், பின் வாசல், டெலிபோன், நூல், விக், வயர் குறிப்பவர் கேது.
மண்பானை, மண்வெட்டி, எலி. சிவப்பு ஆடு, கொசு, புற்றுகள், மூட்டைப்பூச்சி, தோல் நோய்கள், புற்று நோய், குடல் நோய், வெட்டுக்காயம், அடி வயிறு, பாதம், குடல் நோய்கள். சொரி. சிரங்கு, நகச்சுற்று, பருவ கால நோய்கள், கோமா நிலை.
வைடூரியம்.
கேதுவின் உபகிரகம் தூம கேது.
உடம்பின் உள் நரம்பு மண்டலத்தையும் கேது சுட்டிக்காட்டுவார்.
கொள்ளு, கோதுமை இவரின் தானியங்கள்.
வட மேற்கு திசை
செம்மரம்,
குள்ள தோற்றத்தைக் குறிப்பவர் கேது.
நட்பு கிரகங்கள்: சுக்கிரன், சனி.
நட்பு வீடுகள்: மிதுனம், கன்னி, துலாம், தனுசு, மகரம், கும்பம், மீனம்.
கேது ரிஷபத்தில் நீச்சமும், விருச்சிகத்தில் உச்சமும் , கடகம், சிம்மத்தில் பகைமையும் பெறுகின்றன.
கேதுவின் நட்சத்திரங்கள்: அஸ்வினி [ மேஷம் ], மகம் [ சிம்மம் ], மூலம் [ தனுசு ] – கேதுவின் நட்சத்திரங்கள் – பிதுர் தோஷங்கள், மற்றும் செய்வினைக் குற்றத்திற்கு ஆட்படுபவர்களாக சுட்டிக் காட்டுகின்றன.
கேது – நியாய வழியில் சட்டத்திற்குட்பட்ட செயல்களை விரும்புபவர்.
கஞ்சா, அபின் போன்ற போதை வஸ்துக்களையும் உபயோகிப்பவர்.
இவரின் சுவை புளிப்பு.
தாமச குணம். முழு அசுபர்.
லக்னத்திற்கு 8, 12- ல் இருப்பதை மறைவு ஸ்தானமாக சொல்லப்படுகிறது.
கேது திசா ஏழு ஆண்டுகள்.
இவரின் அதிதேவதை – வினாயகர், சண்டிகேசுவரர்.
கேது கிறிஸ்தவர்களையும், அவர்கள் வாழும் இடங்களையும் குறிப்பவர்.
வெட்டுபவர் – ராகு. தைப்பவர் – கேது.
முள் செடிகள், சுருள் கம்பிகள், மின் கம்பிகள். பீன்ஸ், புடலங்காய் , தயல் இயந்திரம், தொலை பேசி, நூல், நெருப்பு, பிறப்புருப்பு, பில்லி சூன்யம், பாலைவனம், புனிதமான இடம், பைத்தியம், மடாதிபதி ஆகியவற்றையும் குறிப்பவர் கேது பற்று பாசங்களைத் துறத்தல்.